Quannu passu di ccà, passu cantannu,
E cantu sempri canzuni d'amuri.
Ma siddu nun la vidu, iu m'addannu,
E soffri lu mè cori un gran duluri.
Quannu passu di ccà e nun vidu a idda,
A lu scuru mi pari 'sta vanedda.
Dumannu a li vicini unni è idda:
"Dicitimi unn'è da faccia bedda?"

Cu mi dici: "Sta vinennu",
Cu mi dici: "Sta turnannu".
Iu l'aspettu, passiannu,
E nun m'innivaiu, no!

Quannu passu di ccà, passu cantannu,
E cantu sempri canzuni d'amuri.
Iu, sciatuzzu miu, vaiu purtannu
Tutti li megghi e cchiù gentili sciuri.
Ma tu si la mè vuci nun la senti
Picchì, bedda, tu dormi a sonnu chinu.
Riposa e dormi, filici e cuntenta,
Ca sugnu sempri ccà a tia vicinu.

Sugnu ccà ca aspettu a tia
E di ccà nun m'innivaiu.
Notti e ghiornu ccà mi staiu
Ca l'amuri miu sì tu.

Quannu passu di ccà… passu cantannu…
E cantu canzuneddi ppi l'amuri.

Cu mi dici: "Sta vinennu",
Cu mi dici: "Sta turnannu".
Iu l'aspettu, passiannu,
E nun m'innivaiu, no!

When I pass by here, I pass by singing
And I always sing songs of love.
But if I don't see her, I suffer,
And a deep ache tears at my heart.
When I pass by here and don't see her,
This alley seems to sink into darkness.
I ask the neighbors about her,
"Tell me, where is that beautiful face?"

One says, "There she goes",
The other says, "She'll come back soon."
I'll stay and wait for her, wandering here,
I won't go away — no!

When I pass by here, I pass by singing
And I always sing songs of love.
My life, I've brought you
The most beautiful and tender flowers.
But you don't hear my voice,
My beauty, because you are fast asleep.
Sleep, my sweetheart, be happy and at peace
Because I'm always here, near you.

I'm here, waiting for you,
And I won't leave this place.
I stand here day and night,
Because you are my love.

When I pass by here… I pass by singing…
And I sing little songs of love.

One says, "There she goes",
The other says, "She'll come back soon."
I'll stay and wait for her, wandering here,
I won't go away — no!