Maggio m'ha scritto ca nce vò truvà,
Quann' è dimane,
Cu 'e mmane 'mmano
For' a 'na loggia,
Sott' ô grillaggio…
E ca te vò purtà rose e ccerase
Abbasta ca nun staje c' 'o musso appiso…

Si no nun ssaje che ffà?
Nce trova cuntrastate, e se ne va!

E pe' dispietto se retira 'o sole,
Sfronna 'e ciardine, fa murì 'e vviole,
E p' 'e nuvanta juorne 'e Primmavera
Nce stenne 'ncuollo a nuje ll'ombra d' 'a sera…

Maggio m'ha scritto ca te vò truvà,
Fresca e addurosa
Comm' a 'na rosa,
Cchiù culurita,
Ma no pittata…
Cu 'a trezza longa e 'a vesta 'e percallina,
"Non da sciantosa, ma da Signorina".

Ma si te fai truvà
Cu 'e gamme 'a fora, piglia e se ne va…

E pe' dispietto se retira 'o sole,
Sfronna 'e ciardine, fa murì 'e vviole,
E p' 'e nuvanta juorne 'e Primmavera
Nce stenne 'ncuollo a nuje ll'ombra d' 'a sera…

Maggio m'ha scritto ca l'hê 'a suspirà,
Cu 'a meza voce,
'Ntunata e ddoce,
Tutt' 'e ccanzone
Napulitane.
Le vuò cantà Valencia? Ih, che curaggio!
E tiene 'o core 'e fà 'st'offesa a Maggio?!

E nun 'o ssaje che ffà?
Se scoccia, se disturba e se ne va…

E pe' dispietto se retira 'o sole,
Sfronna 'e ciardine, fa murì 'e vviole,
E p' 'e nuvanta juorne 'e Primmavera
Nce stenne 'ncuollo a nuje ll'ombra d' 'a sera…

Maggio mi ha scritto che ci vuole trovare,
Quando è domani,
Con le mani nelle mani
Fuori ad una loggia,
Sotto a un pergolato…
E che ti vuole portare rose e ciliegie
Però non devi stare arrabbiata…

Se no non sai cosa fa?
Ci trova in litigio, e se ne va!

E per dispetto si ritira il sole,
Sfoglia i giardini e fa morire le viole,
E per i novanta giorni di primavera
Stende su di noi l'ombra della sera…

Maggio mi ha scritto che ti vuole trovare,
Fresca ed odorosa
Come una rosa,
Più colorita,
Ma non pittata…
Con la treccia lunga e il vestito di percallina,
"Non da sciantosa, ma da Signorina".

Ma se ti fai trovare
Con le gambe di fuori, prende e se ne va…

E per dispetto si ritira il sole,
Sfoglia i giardini e fa morire le viole,
E per i novanta giorni di primavera
Stende su di noi l'ombra della sera…

Maggio mi ha scritto che gli devi sospirare,
Con una mezza voce,
Intonata e dolce,
Tutte le canzoni
Napoletane.
Gli vuoi cantare Valencia*? Ah, che coraggio!
Ed hai il cuore di fare quest'offesa a maggio?!

E non lo sai cosa fa?
Si scoccia, si disturba e se ne va…

E per dispetto si ritira il sole,
Sfoglia i giardini e fa morire le viole,
E per i novanta giorni di primavera
Stende su di noi l'ombra della sera…

---