Tu, ca 'n'ammore lasse e 'n'ato piglie,
Cride ca 'e te nisciuno sape niente…
Ma i' te cunosco: tu sì malamente:
Core busciardo e faccia 'e santità!

Tu sì comm'a ll'auciello senza nido,
Ca vola… vola, e nun sape addò va!

Suspire e llacreme,
Sfurtuna e tuosseco…
E chesto fuje ll'ammore…
Ll'ammore mio pe' tte!

I' nun ce credo ca te sì attaccata
'E uno che assaje gelosa te mantene…
Abbada a tte, ca si nun 'o vuò bbene,
Chisto te leva 'a pace e 'a libbertà!

Nun ghiesce cchiù d' 'a casa… è 'na semmana…
E chesta nun è vità ca può ffà!

Suspire e llacreme,
Sfurtuna e tuosseco…
E chesto fuje ll'ammore…
Ll'ammore mio pe' tte!

Sposa t'aggi' 'a vedè… vestuta 'a sposa,
Cu 'e sciure arancio 'ncopp' 'o velo bianco:
E affianco a tte 'stu sposo triste e stanco
Ca tene 'a faccia cchiù scuntenta 'e me!

E i' chiagno, e zitto… Ma nemmeno ride
'St'urdemo 'nnammurato 'mbracci' a tte!

Suspire e llacreme,
Sfurtuna e tuosseco…
E chesto fuje ll'ammore…
Ll'ammore mio pe' tte!

Tu, che un amore lasci ed un altro prendi,
Credi che di te nessuno sa niente…
Ma io ti conosco: tu sei malvagia:
Cuore bugiardo e faccia di santità!

Tu sei come l'uccello senza nido,
Che vola… vola, e non sa dove va!

Sospiri e lacrime,
Sfortuna ed amarezza…
E questo fu l'amore…
L'amore mio per te!

E non ci credo che ti sei attaccata
Ad uno che assai gelosa ti tiene…
Bada a te, che se non gli vuoi bene,
Questo ti toglie la pace e la libertà!

Non esci più di casa… è una settimana…
E questa non è vita che puoi fare!

Sospiri e lacrime,
Sfortuna ed amarezza…
E questo fu l'amore…
L'amore mio per te!

Sposa ti devo vedere… vestita di sposa,
Con i fiori d'arancio sopra al velo bianco:
Ed a fianco a te questo sposo triste e stanco
Che ha la faccia più scontenta della mia!

Ed io piango, e zitto… Ma nemmeno ride
Quest'ultimo innamorato in braccio a te!

Sospiri e lacrime,
Sfortuna ed amarezza…
E questo fu l'amore…
L'amore mio per te!