Canzona chien' 'e lagreme,
Canzona mia ca vaje
P' 'o cielo e 'o mare 'e Napule,
Salutala pe' mme!
Sto a 'n'anno fore patria,
Pentito ch' 'a lassaje;
M'addormo pe' sunnarmela;
M' 'a sonno e cchiù pegg' è…

Napule, io voglio a tte!
Io voglio 'o sole e 'o mare 'e casa mia…
Sò comm' 'o figlio c'ha lassata 'a mamma
E chiagne e 'a vasa e 'a chiamma!

Che ffà, si già m'aspettano
Forse 'a galera o 'a morta,
P' 'a 'nfamità 'e 'na femmena,
C' 'a fforza vò accussì?
Basta ca 'st'uocchie 'a vedono,
Pe' 'n'ora, nun me 'mporta!
Basta ca veco Napule!
Basta ca pozzo dì:

"Napule, io voglio a tte!
Nun me canusce cchiù? 'Sta voce è 'a mia;
Sò 'nu figlio ca torna 'mbracci' 'a mamma
E chiagne e 'a vasa e 'a chiamma!"

Napule mio, io voglio a tte!

Canzone piena di lacrime,
Canzone mia che vai
Per il cielo e per il mare di Napoli,
Salutala per me!
Sono da un anno fuori dalla Patria,
Pentito di averla lasciata;
Mi addormento per sognarla;
Me la sogno e peggio è…

Napoli, io voglio te!
Io voglio il sole e il mare di casa mia…
Sono come il figlio che ha lasciato la mamma
E piange e la bacia e la chiama!

Cosa fa, se già mi aspettano
Forse il carcere o la morte,
Per l'infamità di una donna,
Che per forza vuole così?
Basta che questi occhi la vedono,
Per un'ora, non mi interessa!
Basta che vedo Napoli!
Basta che posso dire:

"Napoli, io voglio te!
Non mi conosci più? Questa voce è la mia;
Sono un figlio che torna in braccio alla mamma
E piange e la bacia e la chiama!"

Napoli mia, io voglio te!