Testi delle canzoni napoletane

Onna che vaje,
Onna che viene,
Canta stanotte cu mme!
Stelle, accustateve a prora,
Tutt' 'a luce purtate, pecché
Si s'è addurmuta
Nenna, se sceta…
Voglio ca m'hadda sentì.

'O mare s'è addurmuto,
'A luna s'è 'ncantata,
'E stelle sò cadute
Dint'a 'sta varca, oje nè!
Nun t'addurmì, ma siente
Tutt' 'a passiona 'e 'sta voce
Ch'è suspirosa e ddoce
E 'a porta "Ammore" addù te.

Luce 'sta varca,
Chiagne 'na voce,
Spera 'nu core, pecché
'Ncopp'a 'nu lietto addiruso
Nenna aspetta: cu mme vò durmì.
Vocca cu vocca,
Senza respire,
'Nzieme vulimmo murì.

'O mare s'è addurmuto,
'A luna s'è 'ncantata,
'E stelle sò cadute
Dint'a 'sta varca, oje nè!
Nun t'addurmì, ma siente
Tutt' 'a passiona 'e 'sta voce
Ch'è suspirosa e ddoce
E 'a porta "Ammore" addù te.

Tant'anne sò passate…
'Na varca aspetta annascusa,
Ma 'a fenestella è chiusa,
Chiusa pe' sempe… Ohé!…

Onda che vai,
Onda che vieni,
Canta stanotte con me!
Stelle, avvicinatevi a prora,
Tutta la luce portate, perché
Se si è addormentata
La ragazza, si sveglia…
Voglio che lei mi senta.

Il mare si è addormentato,
La luna si è incantata,
Le stelle sono cadute
Dentro a questa barca, oh ragazza!
Non addormentarti, ma senti
Tutta la passione di questa voce
Che è sospirosa e dolce
E porta "Amore" da te.

Luccica questa barca,
Piange una voce,
Spera un cuore, perché
Su un letto profumato
La ragazza aspetta: con me vuole dormire.
Bocca con bocca,
Senza respiri,
Insieme vogliamo morire.

Il mare si è addormentato,
La luna si è incantata,
Le stelle sono cadute
Dentro a questa barca, oh ragazza!
Non addormentarti, ma senti
Tutta la passione di questa voce
Che è sospirosa e dolce
E porta "Amore" da te.

Tanti anni sono passati…
Una barca nascosta aspetta,
Ma la finestra è chiusa,
Chiusa per sempre… Ohé!…