Lu focu di la pagghia pocu dura,
Quantu l'amuri di la munzignara.
L'amuri tò durau menu d'un'ura,
Vampata capricciusa di magara.

L'occhiu amurusu miu ti vitti chiara,
Surgiva d'acqua cristallina e pura,
Ma inveci eri limazzu di ciumara,
Eri lu stagnu di la fugnatura.

Stannu sunannu a mortu li campani.
Ora c'assassinasti lu mè amuri,
Lu suli s'oscurò, nun c'è dumani
Pi 'stu mè cori chinu di duluri.

Li lupi si stanaru di li tani;
Stannu sfussannu tombi e sipulturi,
Cercanu crozzi 'i mali cristiani
Pi daritilli a tia 'n canciu di ciuri.

A flame in straw flares up and dies fast,
Like a deceitful woman's love.
Your love lasted less than an hour,
The capricious virago's outburst.

My loving eyes saw you as bright
As a spring of crystal clear water,
But you, on the contrary, were a murky river,
You were like a swamp of wastewater.

The bells are ringing for death.
Now that you've killed my love,
The sun has gone out, tomorrow will never come
For my heart full of pain.

The wolves have left their dens;
They are digging graves and tombs,
They are searching for the skulls of sinful Christians
To bring to you instead of flowers.