"Guagliù, scappate! Scappate!
'E tedesche! 'E tedesche!"

Sento ancora ll'ecu 'e chella voce.

Tant'anne songo ca cchiù nun cammina,
Tutt' 'e ddoje ccoscie 'a guerra s'ha pigliate.
Ce dette â patria fratemo 'o destino,
Era 'e settembre d' 'o quarantatrè.

'O partiggiano
Aveva fatto pe' caccià 'o straniero.
'O partiggiano
Cu ll'ate scugnizielle d' 'o quartiere
A dudece anne senza ce penzà
Contr' 'o nemico avett' 'a sparà
Pe' salvà Napule.

'Stu frate mio camp' 'int' ê ricorde
Llè resta 'na medaglia e niente cchiù.
'O tiempo passa e chesto nun se scorda:
Quatto giornate 'e sanghe 'e giuventù.
Santa Teresa e 'o ponte a Sanità
Vestette 'e lutto tutta 'sta città.

'O partiggiano
Ha dato â patria 'o core, vita e 'ammore
Pe' fà salvà 'a bandiera tricolore.

Scennevа 'a Capemonte 'na matina,
Purtava arret' 'e spalle 'a tasca 'a ppane,
Teneva dint'a tante bombe a mmano,
Salvaje 'ntiempo 'o ponte a Sanità.

Chesta canzona è 'na paggina 'e la storia 'e Napule,
Paggina scritta cu sanghe
E llacreme tant'anne fa.
Tutte ll'uommene d' 'o munno
Se l'avesseno 'a ricurdà ca
Simmo tutt' 'e frate
Pе' scungiurà ll'ati pericule
Che minacciano ll'umanità.

'O partiggiano
Ha dato â patria 'o core, vita e 'ammore
Pe' fà salvà 'a bandiera tricolore.

"Ребята, бегите! Бегите!
Немцы! Немцы!"

Я до сих пор слышу эхо этого голоса.

Столько лет он не может больше ходить,
Война отняла у него ноги.
Вот так мой брат пострадал за родину,
В сентябре сорок третьего года.

Партизан
Сделал всё, чтобы прогнать чужестранца.
Партизан
Вместе с другими детьми квартала,
В двенадцать лет, не задумываясь,
Должны были стрелять во врага,
Чтобы спасти Неаполь.

Мой брат живёт воспоминаниями,
У него осталась медаль и больше ничего.
Проходит время, но это не забывается:
Четыре дня пролитой крови молодых.
Улица Санта-Тереза и мост Саниты
Одели в траур весь город.

Партизан
Отдал родине сердце, жизнь и любовь,
Чтобы спасти трёхцветный флаг*.

Утром мой брат вышел из Каподимонте
Нёс на плечах мешок, который
Содержал внутри столько ручных гранат,
Он успел спасти мост Саниты.

Эта песня – страница истории Неаполя,
Страница, написанная кровью
И слезами много лет назад.
Все люди в мире
Должны бы вспомнить,
Что все мы – братья
И предотвратить опасность,
Которая угрожает человечеству.

Партизан
Отдал родине сердце, жизнь и любовь,
Чтобы спасти трёхцветный флаг*.

---