I' n'a caccio e chella torna
Tutt' 'e nnotte…
Tutt' 'e nnotte, puntualmente,
Quann' i' dormo, torna a mme…

Ma ched' è, ched' è l'inferno?
Nun è niente…
Manc' 'a notte, manc' 'a notte
Me da pace. Ma pecché?

E zitta, vecchia mia, nun me dì niente!…
Ma, quann' i' dormo, me ll'hê 'a fà vedè.
Tanno è fedele, tanno è doce e ardente,
E sulo 'nzuonno me vò bbene a mme!
Sulo 'nzuonno vò bbene a mme!

I' n'a caccio e ll'aspetto
Tutt' 'e nnotte.
– Ma 'sta 'nfama quanno vene?
Pecché trica?… Ma addò sta?

Essa arriva all'intrasatto,
Zitta, zitta…
"Core mio, te voglio bbene…
Tu m'aspiette… I' stongo ccà!"

E zitta, vecchia mia, nun me dì niente!…
Ma, quann' i' dormo, me ll'hê 'a fà vedè.
Tanno è fedele, tanno è doce e ardente,
E sulo 'nzuonno me vò bbene a mme!
Sulo 'nzuonno vò bbene a mme!

Tanno è fedele, tanno è doce e ardente,
E sulo 'nzuonno me vò bbene a mme!
Sulo 'nzuonno vò bbene a mme!