Ammore!… Ammore, me tremma 'stu core
Ca sente friddo e nun trova calore!
Sona 'na vecchia campana: 'Ndì, 'ndà!
E mm'arricordo 'e 'na voce luntana…
Vierno è turnato e 'sta femmena amata
Pecché m'ha lassato?… Chi sape addò sta!

Turnarrà?…
Tutta 'sta neve me gela 'sta vita!
Sto tanto triste e se gela 'stu core
Ca sta speruto 'e 'nu vaso d'ammore,
Ca se dispera e nun sape che fà!
Torna? E che fa si ha peccato… ma torna?
Si pe' 'sta 'nfama me songo dannato…
Mò sto malato… che neve è caduta!

Vernata nera!… Se sperdono 'e ffronne!
Se fronna 'o core!… Fernesceno 'e suonne!
Chiagno e nisciuno risponne! Pecché?
Prego… e preganno 'a preghiera me danna!
E se n'è ghiuta addò nun ce fa friddo!
'Mbriaca 'e sciampagna, nun penza cchiù a mme!

Turnarrà?…
Tutta 'sta neve me gela 'sta vita!
Sto tanto triste e se gela 'stu core
Ca sta speruto 'e 'nu vaso d'ammore,
Ca se dispera e nun sape che fà!
Torna? E che fa si ha peccato… ma torna?
Si pe' 'sta 'nfama me songo dannato…
Mò sto malato… che neve è caduta!

Che friddo amaro… che neve è caduta…
'Stu core malato t'aspetta, Marì!