Siente comme sò ffredde 'sti mmane,
Tienile 'nu minuto 'mmano a tte!
Io mme ne sto murenno,
Ammore mio,
Mme ne sto murenno
'Mbbracci'a te…
'Mbbracci'a te…

Ajutame a salvà 'stu poco 'e bbene!
'Stu poco 'e bbene è tutt' 'a vita mia.
Tu ca m'hê fatto ffà ciento peccate,
Tu ca m'hê fatto chiagnere cu tte,
Tu ca me miette 'ncroce doce doce,
'Na vota almeno ajutame a suffrì!

Forse te sto sciupanno 'a serata,
Scusa ma nun sò forte comm'a tte.
Io… io te sto parlanno
Ma nun me siente,
Nun me dice niente
Ma pecché?…
Ma pecché?…

Ajutame a salvà 'stu poco 'e bbene!
'Stu poco 'e bbene è tutt' 'a vita mia.
Tu ca m'hê fatto ffà ciento peccate,
Tu ca m'hê fatto chiagnere cu tte,
Tu ca me miette 'ncroce doce doce,
'Na vota almeno ajutame a suffrì!