Carcere ca me tiene carcerato,
Privo d' 'a libbertà, senza 'n'ajuto.
Tutte ll'amice m'hanno abbandunato,
Pur' 'e pariente m'hanno scanusciuto.

Aggio fatto re bbene a tutte quante,
E chesto 'n'aggio avuto: tradimente!
Sabato a ssera la mia cara amante
È ghiuta a Piererotta alleramente.

Anelle, anelle…
Zompa chi pò! La mia amirosa abballa,
E i' sto 'a vintuno mise 'int' ê ccancelle
Per la mia bella.
Anelle, anelle…

Chiagnere t'aggi' 'a fà comme chiagn'io,
E t'aggi' 'a fà pruvà ch'amaro è 'o chianto!
Quanto t'amavo! E mò sì ll'odio mio…
Mò te disprezzo… E t'apprezzavo tanto!

Pe' tte sto dinto ccà, pe' 'st'uocchie belle.
E sto cuntanno 'e mise… 'e juorne… ll'ore…
Quann' haje 'a nutizia ch'esco da 'e ccancelle,
Meglio ca spatrie 'ncopp' a 'nu vapore.

Sciore 'e granato…
Chisto è 'n'avvertimento e 'nu saluto
Per voi, signora, e per il vostro amato.
Bona salute!
Sciore 'e granato…