Canzona d'oro ca tiene 'e scelle,
Vola stanotte 'nzieme cu 'e stelle,
Vola p' 'o munno, canzona mia,
Gioja ca te chiamme malincunia.

'A 'mmiez' ê ffronne
Canta 'n'auciello
Tutt' 'e ccanzone 'ncopp' a 'stu munno
E 'a luna pallida
Passa e risponne:
Ammore e Napule sò 'o riturnello…

Ohi 'nnammurata pallida e ardente,
Pecché stanotte me viene a mente?
Me strigne 'e mmane,
Me guarde 'nfaccia,
Cante e cantanno
Me muore 'mbraccia…

'A 'mmiez' ê ffronne
Canta 'n'auciello
Tutt' 'e ccanzone 'ncopp' a 'stu munno
E 'a luna pallida
Passa e risponne:
Ammore e Napule sò 'o riturnello…