Mamma te chiamma serpe tentatore
E 'mpietto m'ha cusuto 'na fiura.
Ll'avria sapè ca già m'ha fatto 'ammore
Femmena 'e munno, e sò 'na criatura.

Ah, ll'ammore che ffa fà!
Ma ll'ammore è 'na bannera,
'Na bannera ch'è liggera.
Cagna 'o viento e 'a ffa vutà.

Tanto che ce abbracciajemo e comme fuje
C' 'a fiurella 'a pietto se stracciaje.
Cercammo scusa a mamma tutt'e dduje
Ca 'na jastemma 'e mamma coglie assaje.

Ah, ll'ammore che ffa fà!
Ma ll'ammore è 'na bannera,
'Na bannera ch'è liggera.
Cagna 'o viento e 'a ffa vutà.

Sò ghiuta ascianno 'n'erba avvelenata,
Mme voglio avvelenà si tu me lasse.
Tu avisse 'sta nutizia pe' la strata,
Currisse â casa e morta me truvasse.

Ah, ll'ammore che ffa fà!
Ma ll'ammore è 'na bannera,
'Na bannera ch'è liggera.
Cagna 'o viento e 'a ffa vutà.