Sì nnata 'mmiez' ô vuosco 'e 'na muntagna
E tiene 'e pruprietà 'na bella vigna!…
Vurria zappà cu tte 'mmiez' â campagna,
Pe' sfiziàrme l'uva 'a facci' 'a pigna!…
Sì nnata 'mmiez' ô vuosco 'e 'na muntagna.

Ah! Che vulesse dì…
Che te vulesse fà…
Ma…!
Mannaggia chistu… ma!…
Mannaggia chistu… ma!…
Ah! Che vulesse dì…
Che te vulesse fà…
Ah, mannaggia chistu… ma!…
Ah, mannaggia chistu… ma!…

Sott' a 'sta tenna toja nce tien' 'o bbene…
E carità nun faje a crestiane!…
I' te darria 'o sanghe 'a dint' ê vvene
Si tu me tuccarrisse cu 'sti mmane.
Sott' a 'sta tenna toja nce tien' 'o bbene!

Ah! Che vulesse dì…
Che te vulesse fà…
Ma…!
Mannaggia chistu… ma!…
Mannaggia chistu… ma!…
Ah! Che vulesse dì…
Che te vulesse fà…
Ah, mannaggia chistu… ma!…
Ah, mannaggia chistu… ma!…

M'aggio sunnato, oje nè, ch' era trasuto
A faticà cu tte dint' â cantina…
'Na voce, faticanno, aggio sentuto:
"Vih! Quant' è bella 'a vigna 'e Catarina!"
M'aggio sunnato, oje nè, ch' era trasuto!

Ah! Che vulesse dì…
Che te vulesse fà…
Ma…!
Mannaggia chistu… ma!…
Mannaggia chistu… ma!…
Ah! Che vulesse dì…
Che te vulesse fà…
Ah, mannaggia chistu… ma!…
Ah, mannaggia chistu… ma!…