Me dicette ll'ata sera
Cu 'na faccia scura scura:
"Ce vedimmo all'istess'ora,
Giovedì".
Io sto aspettanno,
Ma 'stu ritardo che vò dì?
Che sta facenno?
Io nun 'a saccio cchiù capì.

'A 'nnammurata mia
Tutta 'na vota s'è cagnata;
Me dice 'na buscia
Quanno lle dico: "Addò sì stata?"
Io moro 'e gelusia,
Conto 'e minute e penzo: che sarrà?
E 'a 'nnammurata mia,
Chi sà addò sta!
Chi sà addò sta!

Doppo 'e primme appuntamente
Tremmo già facenno 'e cunte.
Quante sò? Sò tante e tante…
C'aggi' 'a fà?
Ll'aspetta ancora
'Stu core mio ca vò campà
E se dispera
Ma nun se stanca d'aspettà.

'A 'nnammurata mia
Tutta 'na vota s'è cagnata;
Me dice 'na buscia
Quanno lle dico: "Addò sì stata?"
Io moro 'e gelusia,
Conto 'e minute e penzo: che sarrà?
E 'a 'nnammurata mia,
Chi sà addò sta!
Chi sà addò sta!

Io moro 'e gelusia
E aspetto ancora, ma c'aspetto a ffà?
'A 'nnammurata mia,
Chi sà addò sta!
Chi sà addò sta!