'O 'nnammurato mio ca m'ha lassato,
Mò c'ha saputo c'aggi' 'a spusà,
M'ha scritto ca p' 'o matremmonio mio
Quacche regalo ll'aggi' 'a mannà.
Aggio fatto 'e bumbuniere,
Ll'aggio dato a tuttequante.
M'è rimasta una sultanto,
E nun saccio a chi aggi' 'a dà…

Ce 'a mannasse ma chillo è 'nu 'nfame,
'Nfame, sì, ma che vase me deve!

Ce 'a dongo o nun ce 'a dongo
Chesta bella bumbuniera…
Ce 'o faccio o nun ce 'o faccio,
Che dicite?… 'stu ffavore…
Mammà m'ha ditto:
"Figlia, te cunziglio nun ce 'a dà."
"Mammà, si troppo sbaglio,
Nun è meglio a ce 'a mannà?"
'Sta bella bumbuniera
Io nun saccio c'aggi' 'a fà…
'Ndinghe, 'ndonghe,
Ce 'a dongo o nun ce 'a dongo…
Sò cunfiette e cunfiette s' 'e ponno dà!

'Na cummarella mia ajeressera,
Zitella e bona, s'è mise a dì:
"Si nun ce 'a manne tu 'sta bumbuniera,
Saje che te dico… mò ce 'a manno i'…"
Vuje vedite che se passa,
Chella è ancora 'a piccerella,
Zuca ancora 'a pupatella
E se mette a dì accussì:

"Vuò vedè ca i' addevento gelosa
Pe' 'st'ammore 'na vota fernuto…"

Ce 'a dongo o nun ce 'a dongo
Chesta bella bumbuniera…
Ce 'o faccio o nun ce 'o faccio,
Che dicite?… 'stu ffavore…
Mammà m'ha ditto:
"Figlia, te cunziglio nun ce 'a dà."
"Mammà, si troppo sbaglio,
Nun è meglio a ce 'a mannà?"
'Sta bella bumbuniera
Io nun saccio c'aggi' 'a fà…
'Ndinghe, 'ndonghe,
Ce 'a dongo o nun ce 'a dongo…
Sò cunfiette e cunfiette s' 'e ponno dà!