Testi delle canzoni napoletane

Tutt' 'e strade se 'ncontrano,
Se 'ntrecciano,
Se parlano
Comm' ê penziere, comm' ê speranze
D' 'e 'nnammurate.
E si chesta fantasia
Nun è proprio 'na buscia,
Pe' stasera tutt' 'e dduje,
Core e core stammo già:
Songh' 'e strade ca ce portano
A 'sta felicità.

Turnammoce a 'ncuntrà,
Ca è bello a ce 'ncuntrà
Cu 'stu felillo 'e luna.
Tu pure vuò accussì,
Dall'aria 'o sento 'e dì
Ca ce vulimmo bbene.
Ammore,
'A strada 'e ll'ammore
T'aspetta cu mme:
'Sta carreca 'e sciure
C'addorano 'e te.
'O core mio te vò,
'O core tujo me vò:
Nuje simmo 'na canzona.
Turnammoce a 'ncuntrà,
Ca è bello a ce 'ncuntrà
Cu 'stu felillo 'e luna.

Chella sera d' 'e nnuvole
D' 'e cchiacchiere,
D' 'e llacreme,
Quanta penziere e che turtura
P' 'a gelusia.
Ll'ombra toja s'alluntanava
Ma 'na lacrema parlava
Dint' ô scuro e me diceva:
"Chella more senza 'e te!"
Quanta strade e quanta palpite
Speranno 'e te vedè.

Turnammoce a 'ncuntrà,
Ca è bello a ce 'ncuntrà
Cu 'stu felillo 'e luna.
Tu pure vuò accussì,
Dall'aria 'o sento 'e dì
Ca ce vulimmo bbene.
Ammore,
'A strada 'e ll'ammore
T'aspetta cu mme:
'Sta carreca 'e sciure
C'addorano 'e te.
'O core mio te vò,
'O core tujo me vò:
Nuje simmo 'na canzona.
Turnammoce a 'ncuntrà,
Ca è bello a ce 'ncuntrà
Cu 'stu felillo 'e luna.

Tutte le strade s'incontrano,
S'intrecciano,
Si parlano
Come i pensieri, come le speranze
Degli innamorati.
E se questa fantasia
Non è proprio una bugia,
Entro questa sera tutti e due,
Cuore a cuore siamo già:
Sono le strade che ci portano
A questa felicità.

Torniamo ad incontrarci,
Perché è bello incontrarci
Con questo spicchio di luna.
Anche tu vuoi così,
Dall'aria lo sento dire
Perché ci vogliamo bene.
Amore,
La strada dell'amore
Ti aspetta con me:
Questa moltitudine di fiori
Che odorano di te.
Il cuore mio ti vuole,
Il cuore tuo mi vuole:
Noi siamo una canzone.
Torniamo ad incontrarci,
Perché è bello incontrarci
Con questo spicchio di luna.

Quella sera delle nuvole,
Delle chiacchiere,
Delle lacrime,
Quanti pensieri e che tormenti
Per la gelosia.
L'ombra tua si allontanava
Ma una lacrima parlava
Nel buio e mi diceva:
"Quella muore senza di te!"
Quante strade e quanti palpiti
Sperando di vederti.

Torniamo ad incontrarci,
Perché è bello incontrarci
Con questo spicchio di luna.
Anche tu vuoi così,
Dall'aria lo sento dire
Perché ci vogliamo bene.
Amore,
La strada dell'amore
Ti aspetta con me:
Questa moltitudine di fiori
Che odorano di te.
Il cuore mio ti vuole,
Il cuore tuo mi vuole:
Noi siamo una canzone.
Torniamo ad incontrarci,
Perché è bello incontrarci
Con questo spicchio di luna.