Pulecenella
Flag Counter

Strumenti
napoletani

La ciaramella

Testi delle canzoni napoletane

RussiaRUS
ItaliaITA
InghilterraENG

Tuppe-ttu…


Museca: Vincenzo D'Annibale,

Vierse: Diego Petriccione.

Anno: 1912

Toc toc…


Musica: Vincenzo D'Annibale,

Versi: Diego Petriccione.

Anno: 1912

Versione strumentale


Tuppe-tuppe fa 'stu core
'Nfra 'a speranza e 'nfra 'a paura,
Se decide e s'abbentura,
Po' se ferma… E chesto fa!
Po' se lagna ch'isso more,
Maje nun parla chiaramente,
Sta po' dicere e ppo'… niente!…
'Ntartaglieja e chesto fa!…

Tuppe-ttu! Ma chesta storia
Core mio addà fernì.
Cu 'nu No, o 'nu bello Sì
Tu fernisce 'e 'ntartaglià.

Comme vuò ch'essa capisce,
Core mio, si tu, si tu te 'mbroglie?
'A matassa si nn' 'a sbruoglie,
Vene 'n'auto p' 'a sbruglià.
'N'atu vene! E cosa liscie,
Sape fà senz'ammuina,
Ddoje pparole e s' 'a cumbine
E tu rieste a cuntemplà!

Tuppe-ttu! Ma chesta storia
Core mio addà fernì.
Cu 'nu No, o 'nu bello Sì
Tu fernisce 'e 'ntartaglià.

Tuppe-ttu! Tu te ne staje,
T'hê 'a decidere 'na vota.
Passa 'o tiempo, 'o munno avota,
Te faje viecchio a 'nce penzà.
'Na figura bella faje!
Chella, 'o vvide? Te cuffeja,
Cu chill'uocchio ca zenneja
Nun te fa cchiù repassà.

Tuppe-ttu! Ma chesta storia
Core mio addà fernì.
Cu 'nu No, o 'nu bello Sì
Tu fernisce 'e 'ntartaglià.



Toc toc fa questo cuore
Fra una speranza e una paura,
Si decide e si avventura,
Poi si ferma… E questo fa!
Poi si lamenta che muore,
Mai non parla chiaramente,
Sta per dire e poi… niente!…
Tartaglia e questo fa!…

Toc toc! Ma questa storia
Cuore mio deve finire.
Con un No, o un bel Sì
Tu finisci di tartagliare.

Come vuoi che lei capisca,
Cuore mio, se tu, se tu ti imbrogli?
La matassa se non la sciogli,
Viene un altro per sbrogliarla.
Un altro viene! E cosa chiara,
Sa fare senza rumore,
Due parole e se la combina
E tu resti a contemplare!

Toc toc! Ma questa storia
Cuore mio deve finire.
Con un No, o un bel Sì
Tu finisci di tartagliare.

Toc toc! Tu stai fermo,
Ti devi decidere una volta.
Passa il tempo, il mondo cambia
Ti fai vecchio a pensarci.
Una bella figura fai!
Quella, vedi? Ti deride,
Con quell'occhio che ti strizza
Non ti fa più ripassare.

Toc toc! Ma questa storia
Cuore mio deve finire.
Con un No, o un bel Sì
Tu finisci di tartagliare.

tradotto da Natalia Cernega