Pulecinella

I testi delle canzoni napoletane

ENG
ITA
RUS

Torna maggio


Museca: Eduardo Di Capua,

Vierse: Vincenzo Russo.

Anno: 1900

Torna maggio


Musica: Eduardo Di Capua,

Versi: Vincenzo Russo.

Anno: 1900

Rrose, che belli rrose! Torna maggio.
Sentite 'addore 'e chisti sciure belle!
Sentite comme cantano ll'aucielle!
E vuje durmite ancora? Ih, che curaggio!

Aprite 'sta fenesta, oje bella fata,
Ché ll'aria mo s'è fatta 'mbarzamata!
Ma vuje durmite ancora, ih, che curaggio!
Rrose, che belli rrose! Torna maggio.

Rrose, che belli rrose! 'A 'n'anno sano,
Stongo strujenno 'e pprete 'e chesta via.
Ma vuje nun v'affacciate. Uh, mamma mia!
I' nun mme fido 'e stà da vuje luntano.

E si ve sto' luntano quacche ghiuorno,
Pare ca vuje mme state sempe attuorno,
Ca mme parlate e mm'astrignite 'a mano.
Rrose, che belli rrose! È 'n'anno sano!

Rrose, che belli rrose! E vuje durmite!
Ma nun ve sceta 'stu prufumo doce?
'E primmavera nun sentite 'e vvoce?
Ma vuje core 'mpietto ne tenite?

Vocca addirosa comm'a 'na viola.
'A primmavera mia site vuje sola!
Ma chesta voce vuje nun 'a sentite?
Rrose, che belli rrose! E vuje durmite!

Rose, che belle rose! Torna maggio.
Sentite l'odore di questi fiori belli!
Sentite come cantano gli uccelli!
E voi dormite ancora? Eh, che coraggio!

Aprite questa finestra, oh bella fata,
Perché l'aria ora è diventata profumata!
Ma voi dormite ancora, eh, che coraggio!
Rose, che belle rose! Torna maggio.

Rose, che belle rose! Da un anno intero
Sto sciupando le pietre di questa strada.
Ma voi non vi affacciate. Oh, mamma mia!
Io non mi fido a stare lontano da voi.

E se vi sto lontano qualche giorno,
Sembra che voi mi stiate sempre intorno,
Che mi parliate e mi stringiate la mano.
Rose, che belle rose! È un anno intero!

Rose, che belle rose! E voi dormite!
Ma non vi sveglia questo profumo dolce?
Della primavera non sentite le voci?
Ma voi cuore in petto ne avete?

Bocca odorosa come una viola.
La primavera mia siete voi sola!
Ma la mia voce voi non la sentite?
Rose, che belle rose! E voi dormite!