Testi delle canzoni napoletane

Tiempe d'ammore


Museca: Vincenzo Valente,

Vierze: Salvatore Di Giacomo.

Anno: 1902

Tempi d'amore


Musica: Vincenzo Valente,

Versi: Salvatore Di Giacomo.

Anno: 1902

Versione strumentale


Ricordete, Carmè, ll'anno passato
Quanno turnaje cu ll'anzia 'e te vedè,
Purtavo ancora 'e panne d' 'o surdato
E primm' 'e mamma jette ascianno 'a tte!
Tiempe felice – penzav' io p' 'a strata –
Chi sà si nu' starrate pe' turnà!
Chi sà si sempe eguale e maje cagnata
Carmela bella mia pozzo truvà!

Tiempe felice!
Tiempe d'ammore!
Pecché me dice
Scuro, 'stu core,
Ca comm' 'o viento
Ve ne vulate?
Ca nun turnate
Maje cchiù… maje cchiù?

E accussì cammenanno, 'int' 'e ddenocchie
Mme sentevo 'nu triemmolo saglì;
E cchiù avanzavo 'o passo e 'nnanz' a 'st'uocchie
Cchiù te vedevo quase accumparì!…
Ccà sta! – dicette finalmente – è chesta
'A fenestella addò s'affacciarrà!…
Ma 'nchiusa rummanette 'sta fenesta
E io friddo friddo rummanette llà…

Tiempe felice!
Tiempe d'ammore!
Pecché me dice
Scuro, 'stu core,
Ca comm' 'o viento
Ve ne vulate?
Ca nun turnate
Maje cchiù… maje cchiù?

'A gente me dicette: A chi vulite?
Si vulite a Carmela, nun ce sta;
E 'int' 'o quartiero, si nun 'o sapite,
Carmela è scumparuta 'a 'n'anno fa!
Date 'nu surzo d'acqua a 'stu figliulo,
Facitelo 'nu poco risturà!
S'è fatto janco comm' a 'nu lenzulo!
Vedite chella a chi jette a 'ngannà.

Tiempe felice!
Tiempe d'ammore!
Pecché me dice
Scuro, 'stu core,
Ca comm' 'o viento
Ve ne vulate?
Ca nun turnate
Maje cchiù… maje cchiù?

tradotto da Natalia Cernega


Ricorda, Carmela, l'anno passato
Quando tornai con l'ansia di vederti,
Portavo ancora la divisa di soldato
E prima di mamma andai a trovare te!
Tempi felici – pensavo io per la strada –
Chissà se non state per tornare!
Chissà se è sempre uguale e mai cambiata
Carmela bella mia posso trovare!

Tempi felici!
Tempi d'amore!
Perché mi dice
Scuro, questo cuore,
Che come il vento
Ve ne volate?
Che non tornate
Mai più… mai più?

E così camminando, dentro alle ginocchie
Mi sentivo un tremito salire;
E più avanzavo il passo e davanti a questi occhi
Più ti vedevo quasi comparire!…
Quì sta! – dissi finalmente – è questa
La finestrella da dove si affaccerà!…
Ma chiusa rimase questa finestra
Ed io freddo freddo rimasi lì…

Tempi felici!
Tempi d'amore!
Perché mi dice
Scuro, questo cuore,
Che come il vento
Ve ne volate?
Che non tornate
Mai più… mai più?

La gente mi chiese: A chi cercate?
Se volete Carmela, non c'è;
E dal quartiere, se non lo sapete,
Carmela è scomparsa da un anno!
Date un sorso d'acqua a questo giovane,
Fatelo un poco ristorare!
Si è fatto bianco come un lenzuolo!
Vedete quella a chi ingannò.

Tempi felici!
Tempi d'amore!
Perché mi dice
Scuro, questo cuore,
Che come il vento
Ve ne volate?
Che non tornate
Mai più… mai più?

tradotto da Natalia Cernega