Tiempe d'ammore
Museca: Vincenzo Valente,
Vierze: Salvatore Di Giacomo.
Anno: 1902
Days of love
Music: Vincenzo Valente,
Lyrics: Salvatore Di Giacomo.
Year: 1902
Ricordete, Carmè, ll'anno passato
Quanno turnaje cu ll'anzia 'e te vedè!
Purtavo ancora 'e panne d' 'o surdato
E primm' 'e mamma jette ascianno 'a tte!
Tiempe felice – penzav' io p' 'a strata –
Chi sà si nu' starrate pe' turnà!
Chi sà si sempe eguale e maje cagnata
Carmela bella mia pozzo truvà!
Tiempe felice!
Tiempe d'ammore!
Pecché me dice
Scuro, 'stu core,
Ca comm' 'o viento
Ve ne vulate?
Ca nun turnate
Maje cchiù… maje cchiù?
E accussì cammenanno, 'int' 'e ddenocchie
Mme sentevo 'nu triemmolo saglì;
E cchiù avanzavo 'o passo e 'nnanz' a 'st'uocchie
Cchiù te vedevo quase accumparì!…
Ccà sta! – dicette finalmente – è chesta
'A fenestella addò s'affacciarrà!…
Ma 'nchiusa rummanette 'sta fenesta
E io friddo friddo rummanette llà…
Tiempe felice!
Tiempe d'ammore!
Pecché me dice
Scuro, 'stu core,
Ca comm' 'o viento
Ve ne vulate?
Ca nun turnate
Maje cchiù… maje cchiù?
'A gente me dicette: A chi vulite?
Si vulite a Carmela, nun ce sta;
E 'int' 'o quartiero, si nun 'o sapite,
Carmela è scumparuta 'a 'n'anno fa!
Date 'nu surzo d'acqua a 'stu figliulo,
Facitelo 'nu poco risturà!
S'è fatto janco comm' a 'nu lenzulo!
Vedite chella a chi jette a 'ngannà.
Tiempe felice!
Tiempe d'ammore!
Pecché me dice
Scuro, 'stu core,
Ca comm' 'o viento
Ve ne vulate?
Ca nun turnate
Maje cchiù… maje cchiù?
Remember, Carmela, the past year
When I came back with the longing to see you!
I was still wearing a soldier's uniform
And before I see my mother, I came to meet you!
Happy days – I thought in the street then –
Who knows if you come back!
Who knows if the same and never changed
I meet my Carmela!
Happy days!
Days of love!
Why does my heart
Tell me sadly
That you are flying away
Like the wind?
That you never come back,
Never again… never again?
And as I walked down the street, in my knees
I felt a growing tremor;
And the faster I moved forward, the more
I saw you before my eyes!…
Here! – I said finally – Here it is,
Her window from where she looks out!…
But her window remained closed
And, dumbfounded, I remained standing there…
Happy days!
Days of love!
Why does my heart
Tell me sadly
That you are flying away
Like the wind?
That you never come back,
Never again… never again?
People asked me: Who are you looking for?
If you need Carmela, she's not here;
From this district, if you don't know it,
Carmela disappeared one year ago!
Give the water to this young man,
Bring him to his senses!
He turned as pale as a sheet!
Look who she betrayed.
Happy days!
Days of love!
Why does my heart
Tell me sadly
That you are flying away
Like the wind?
That you never come back,
Never again… never again?