Neapolitan Songs - Vò turnà!

Vò turnà!

(1910)

music: Ernesto De Curtis,
lyrics: C. O. Lardini (Eduardo Nicolardi).
Instrumental version


Ammore nce ha lassate 'mmiez' â via,
Ma s'è vutato arreto, pe' guardà…
Nce ha 'ntiso suspirà, pe' gelusia…
Pe' gelusia nce ha viste appiccecà…

Oi core, core
Guarda: Ammore ce fa 'a spia…
Famme 'o favore,
Valle a ddì ca torna ccà!…
Ammore, Ammore,
Pure 'o core 'e nenna mia,
Ca pe' tte more,
Penza già ca vuò turnà.

Ammore è 'o piccerillo capricciuso,
Pe' niente piglia 'a 'nziria, e se ne va…
Ma quanno torna, torna cchiù azzeccuso,
Tanto dice ca ll'è 'a perdunà!…

Oi core, core
Guarda: Ammore ce fa 'a spia…
Famme 'o favore,
Valle a ddì ca torna ccà!…
Ammore, Ammore,
Pure 'o core 'e nenna mia,
Ca pe' tte more,
Penza già ca vuò turnà.

Ammore è ll'auciello ca, si vola,
Vola, ma afforza a 'o nivo addà turnà…
E torna, ê vvote, pure 'int' â cajola,
Nun 'mporta ca nce appizza 'a libbertà…

Oi core, core
Guarda: Ammore ce fa 'a spia…
Famme 'o favore,
Valle a ddì ca torna ccà!…
Ammore, Ammore,
Pure 'o core 'e nenna mia,
Ca pe' tte more,
Penza già ca vuò turnà.