Viata a buje ca v'è scappato a ssuonno,
E ca putite, bella mia, durmì, –
I' sto scetato, – e 'st'uocchie nun se vonno,
Nun se ponno cchiù 'nchiudere accussì…
Viata a buje ca v'è scappato a ssuonno…

Ah, ll'ammore è 'na canzona,
'Na canzona antica e ddoce,
Ca si 'a cantano ddoje voce
Te fa 'e llacreme scurdà.

Viata a buje ca dint' a ll'uocchie maje
Nun v'aggio visto 'e llacreme passà, –
Mò me ne pento, e, maramè, 'ngannaje
Chella ca ssape chiagnere e aspettà…
Viata a buje ca nun chiagnite maje…

Ah, ll'ammore è 'na canzona,
'Na canzona antica e ddoce,
Ca si 'a cantano ddoje voce
Te fa 'e llacreme scurdà.