È mezanotte, e pe' 'stu mare 'argiento
'Na varca i' vogo 'a parte 'e Marechiare.
Cielo sereno, senza 'n'ombra e viento,
Vasano 'a varca ll'onne 'e chistu mare.

Ammore, ammore, io canto
Dint'a 'sta varchetella,
E a 'na nennella bella
Che vase stongo a ddà!

E 'a luna ca nce guarda,
Nce tene cumpagnia.
Suonno d' 'a vita mia
Pe' ssempe 'issa durà.

E schiara juorno 'mmiez'a chistu mare,
Suonno d'ammore nun s'è fernuto ancora.
Dint'a 'nu vuzzo pesca 'o marenaro,
Nenna 'int' ê bbracce dorme e sonn'ammore.

Sonna 'st'ammore a mmare,
'Nconnola d'oro aunite,
Onne ca nce vedite,
Lassatece sunnà!

E mentre 'o sole sponta
Arret' a 'na cullina,
'Sta varca mia cammina
Pe' nun fermarse cchiù.