Neapolitan Songs - Turmiento 'e marenaro

Turmiento 'e marenaro

(1950)

music: Gino Campese,
lyrics: Nello De Lutio.
Antonio Basurto
(1917 - 2007)


Aggiu lassato 'a varca 'nterr' 'a rena
E a mmare nun ce torno a 'na semmana.
Nun saccio cchiù 'a fatica, 'a casa, 'amice…
Si nun te veco soffro pene amare!
'St'ammore è tutto e nun me fa felice!

Cu 'sti llusinghe toje m'hê 'ncatenato:
M'hê miso dint' ê vvene
'Nu fuoco avvelenato.
E mamma chiagne
'O figlio ch' è perduto;
Ammore, ammore,
S' 'o porta 'na sirena 'nfunn' 'o mare!

'A quanta juorne chistu cielo è nniro,
E comme me fa scuro ogne penziero,
E 'n'ombra 'e morte 'a vita m'ha attaccata!
Ma chi me salva? Manc' 'a Santa mia
Si c' 'o ritratto tujo ll'aggiu scagnata!

Cu 'sti llusinghe toje m'hê 'ncatenato:
M'hê miso dint' ê vvene
'Nu fuoco avvelenato.
E mamma chiagne
'O figlio ch' è perduto;
Ammore, ammore,
S' 'o porta 'na sirena 'nfunn' 'o mare!