Tre nomme d'oro

(1938)

music: Vincenzo D'Annibale,
lyrics: Raffaele Chiurazzi.
Instrumental version


Tre nomme fatte 'e nuvole
'E sciure 'arance e rrose,
Dint' a 'stu core cantano
Tre mmusiche addurose.
Tre mmusiche che parlano
'E desiderio ardente,
Sott' a ttre ciele vergene
D'azzurro trasparente.

A Pusilleco 'na bruna,
A Surriento 'na biundina,
A Marechiare,
Dint' a 'na nott' 'e luna,
'Na furastiera pallida…
E i' me 'mparaje ll'ammore
Pe' 'sti tre nomme d'oro:
Pusilleco, Surriento e Marechiare.

Ma una 'e 'sti tre ffemmene,
Cchiù 'nnammurata e ssora,
'A tengo dint' a ll'anema,
'A voglio bbene ancora!
Passano ll'anne e passano
Gioja e malincunia,
Ma essa resta e palpita
Dint' a 'sta vita mia!

A Pusilleco 'na bruna,
A Surriento 'na biundina,
A Marechiare,
Dint' a 'na nott' 'e luna,
'Na furastiera pallida…
E i' me 'mparaje ll'ammore
Pe' 'sti tre nomme d'oro:
Pusilleco, Surriento e Marechiare.
A Pusilleco 'na bruna,
A Surriento 'na biundina,
A Marechiare,
Dint' a 'na nott' 'e luna,
'Na furastiera pallida…
E i' me 'mparaje ll'ammore
Pe' 'sti tre nomme d'oro:
Pusilleco, Surriento e Marechiare.