Pe' mise e mise senza truvà pace
Paise 'e cchiù luntane aggio girato;
D'amice mieje sò stato cunzigliato
E 'a sorte m'ha vuluto accumpagnà…
E 'sta terra straniera
M'ha dato pe' campà.
Ma 'o paese 'o cchiù bello è d' 'o mio:
Cielo azzurro e canzone d'ammore,
Nce sta nenna, 'a riggina 'e 'stu core,
Nce sta mamma che prega pe' mme!

'Na casa addò se sceta e more 'o sole,
'Na luggetella chiena 'e malvarosa,
'Nu lietto ricamato e 'o velo 'e sposa,
'A quase 'n'anno stanno pronte già…
Pirciò, 'nterra straniera
Nun saccio cchiù campà!
'O paese 'o cchiù bello è d' 'o mio:
Cielo azzurro e canzone d'ammore,
Nce sta nenna, 'a riggina 'e 'stu core,
Nce sta mamma che prega pe' mme!

Nenna me scrive ca nun vò stà sola
E mamma tutt' 'e notte a me se sonna:
'Nu vuto argiento e 'e cere p' 'a Madonna
Hanno prummiso pe' me fà turnà.
E i' torno, e a 'sti dduje core
Dongo 'a felicità!
'O paese 'o cchiù bello è d' 'o mio:
Cielo azzurro e canzone d'ammore,
Nce sta nenna, 'a riggina 'e 'stu core,
Nce sta mamma che chiagne pe' mme!