Te ne sì ghiuta 'America
E m'hanno ditto 'a gente
Ca llà guadagne dollare
Comme si fosse niente…
Pe' cunto mio, diviertete,
Pazzie cu 'e milione!
Ca i' resto sempe a Napule
A scrivere canzone.

Penza chello che vuò,
Scrive comme vuò tu,
Ca i' senza 'o cielo 'e Napule
Senza guardà 'o Vesuvio,
Nun saccio campà cchiù…
Nun saccio campà cchiù…

I' mò vulesse sentere,
Proprio sinceramente,
'A maggio anfì a settembre,
Si llà se trova abbiente.
Penzanno a Muntevergene,
'A festa d' 'e ccanzone,
Santa Lucia, Pusilleco,
'E nnotte d' 'a staggiona…

Penza chello che vuò,
Scrive comme vuò tu,
Ca i' senza 'o cielo 'e Napule
Senza guardà 'o Vesuvio,
Nun saccio campà cchiù…
Nun saccio campà cchiù…

'O i' canno: ogge è dummeneca,
S'arape ogne fenesta,
'E cchiese scampanejano
E tutte cose è festa…
Che me ne 'mporta, crideme,
Si 'a sacca sta vacante…
Quanno pe' tutta Napule
Siente resate e cante…

Penza chello che vuò,
Scrive comme vuò tu,
Ca i' senza 'o cielo 'e Napule
Senza guardà 'o Vesuvio,
Nun saccio campà cchiù…
Nun saccio campà cchiù…