Sciore 'e limone!
E sciurillo 'e granato!
Ve dico 'a verità, si me credite:
'A tanto tiempo aggio desiderato
'Nu bello giuvinotto, oi, pe' marito!
E pe' marito e bà!
Ca me dicesse
Tanta parole doce,
A musso a musso…
Tanta parole doce,
A musso a musso…
E pe' marito e bà!

Sciore 'e viola!
E sciore 'e rosa 'e maggio!…
Nn'aggio visto uno scicco propet' ogge!
E mme songo fatt' anema e curaggio,
Quanno m'ha pezzecata liegge liegge…
E liegge liegge e bà!
Pizzeche e vase,
Neh, addò sta scritto ca
Fanno pertose?!…
Neh, addò sta scritto ca
Fanno pertose?!…
E liegge liegge e bà!

Fronn' 'e lattuca!
E frunnella d'aruta!
Tutta stanotte sò stata scetata…
E 'int' ê llenzola, ca m'hanno pugnuta,
Io mme songo vutata e revutata…
Ah, si cu mmico – e bà! –
'Stu ninno scicco
Stesse 'int' a 'sti llenzola
Azzicco azzicco!…
Stesse 'int' a 'sti llenzola
Azzicco azzicco!…
Ah, si cu mmico – e bà! –