Surriento mio

(1915)

music: Ernesto De Curtis,
lyrics: Giambattista De Curtis.
Instrumental version


Dint' ô ciardino, 'mmiez' ê sciure arancio,
'A primma vota te parlaje d'ammore,
A tutt' 'e dduje sbattevano 'sti core,
Chello ca vulev'io, facive tu…
E mò…
Nisciuno 'e nuje se ricunosce cchiù!

Carmela mia,
Pecché nun tuorne a mme?
Surriento è bello…
Voglio campà cu tte!

Serate senza luna 'nterr' 'o Capo,
'Ncopp' ô Vesuvio ca menava 'o ffuoco,
'A mana toja nun me lassaje 'nu poco…
I' me sentevo 'o ffuoco… e pure tu!
E mò…
'Sta mana toja nun me saluta cchiù!

Carmela mia,
Pecché nun tuorne a mme?
Surriento è bello…
Voglio campà cu tte!

'Ncopp' ô Deserto, cu 'o tramonto d'oro,
'A poco a poco se cuccaje 'o sole…
E tanto c'adduravano 'e vviole…
I' mm'addurmette… e t'addurmiste tu!
E mò…
Accussì bello io nun mm'addormo cchiù!

Carmela mia,
Pecché nun tuorne a mme?
Surriento è bello…
Voglio campà cu tte!