Suonno passato

(1906)

music: Vincenzo Valente,
lyrics: Giovanni Capurro.
Instrumental version


Quanta vvote cu 'e llacreme a ll'uocchie
Te diceva c'aveva partì,
E cu 'e bracce appujate 'e ddenocchie
Te guardava 'ncantat' accussì.

'St'ammore fuje 'nu sciore
Ca priesto s'è seccato,
'Nu suonno ch'è passato
E ca nun pò turnà!
'St'ammore fuje 'nu sciore
Ca priesto s'è seccato,
'Nu suonno ch'è passato
E ca nun pò turnà!

M'hanno ditto ca sì mmaretata
E ca tu c'ê vuluto 'ncappà:
Cchiù te guardo e te veco sciupata,
Cchiù capisco e nun serve a parlà.

'St'ammore fuje 'nu sciore
Ca priesto s'è seccato,
'Nu suonno ch'è passato
E ca nun pò turnà!
'St'ammore fuje 'nu sciore
Ca priesto s'è seccato,
'Nu suonno ch'è passato
E ca nun pò turnà!

Addò stann' 'e bellizze 'e 'na vota?
Chillu sfarzo mò chi t' 'o ddà cchiù?
Si 'stu munno nun fosse 'na rota
Io dicesse ca tu nun sì tu!

'St'ammore fuje 'nu sciore
Ca priesto s'è seccato,
'Nu suonno ch'è passato
E ca nun pò turnà!
'St'ammore fuje 'nu sciore
Ca priesto s'è seccato,
'Nu suonno ch'è passato
E ca nun pò turnà!