(voce) Saglie 'na voce 'a 'mmiez' 'o mare…
Ma che vvò??

'Nu suonno:
'St'isola d'oro
– scoglio 'ncantato –
Addò ogne core
Ce pò truvà:
"Felicità"!!

'Na fata
– capille d'oro,
Uocchie 'e sirena –
Me fa dannà!

E voca! Ohé!
Essa è stata 'o primm' ammore.
Mò se scorda d' 'o passato!

T'arricuorde, oje varca?
T'arricuorde, oje mare?
Che sera 'e passione…
Che notte d'ammore:
Sunnà e vasà!
Sunnà e vasà!

Stasera
Scuro è 'stu mare…
Triste è 'stu core:
Chiagne d'amnore…
Che chiagne a ffa?
Nun pò turnà!

'Na voce
– 'mmiez' a 'stu mare –
Passione e ammore
Vò ricurdà.

E voca! Ohé!
Pe' na fata è fantasia!
Ha spezzato 'a vita mia!

Jammuncenne, oje varca!
Jammuncenne, sule
Ca 'o mare è fedele
E sulo c' 'o mare
Voglio restà!
Voglio restà!