Chitarra mia,
'O vino e ll'alleria
Chello ca m'hanno fatto
I' nun t' 'o ssaccio manco dì…
M'hanno fatto venì
Malincunia.
Vide si 'a truove tu l'antica strata
Addò purtaimo 'a primma serenata.

Serenata,
Serenatella…
'Mpruvvisamente
Sponta 'na stella…
Dint' ô silenzio 'na voce canta:
Stanotte affacciate,
Nun me fà chiagnere…
Bella, perdoname,
Ca i' torno a tte.

Oi bona ggente,
Nun me dicite niente,
Ca i' sò sfurtunato
E vuje m'avit'a perdunà…
Nun m'avit'a trattà
Barbaramente.
Nun tengo cchiù a nisciuno. E 'a voce mia,
Pazza e 'mbriaca, vò scetà a Maria.

Serenata,
Serenatella…
'Mpruvvisamente
Sponta 'na stella…
Dint' ô silenzio 'na voce canta:
Stanotte affacciate,
Nun me fà chiagnere…
Bella, perdoname,
Ca i' torno a tte.

Oi luna chiena,
Me fai quase 'na pena…
Tu ride e chiagne,
E i' chiagno e rido 'nzieme a te…
Sì venuta a vvedè
'Na bella scena.
Stanotte può vvedè comme ll'Ammore
Dint' a 'na notte 'e luna canta e more.

Serenata,
Serenatella…
'Mpruvvisamente
Sponta 'na stella…
Dint' ô silenzio 'na voce canta:
Stanotte affacciate,
Nun me fà chiagnere…
Bella, perdoname,
Ca i' torno a tte.