Amice mieje belle,
Jate a cantà pe' mme 'sta canzuncella.
'A nuttata è ddoce
E cu 'a meza voce
Putite cantà,
Putite cantà.
Nun tengo cchiù fiato,
Nun 'ngarro 'o mutivo,
I' stongo malato,
Nun pozzo venì.

Dicitencello vuje
'A piccerella mia
Ca 'o schiavuttiello sujo
Svenuto è a 'mmiez' a via,
Ca 'o venesse 'ajutà!

Currite, amice belle,
Vedite ca s'è 'nchiusa 'a fenestella.
'O fatto è 'mbrugliuso…
I' stongo annascuso,
Vedite 'appurà,
Vedite 'appurà.
Me songo avvelito…
'O core m' 'o dice:
"Sì stato tradito
P' 'a troppa buntà".

Dicitencello vuje
'A piccerella mia
Ca 'o schiavuttiello sujo
Ne more 'e gelusia…
Ca 'o venesse 'ajutà!