Viuline, accumpagnateme 'nzurdina,
E vuje, chitarre, nun 'ncasate a mano:
Porto 'sta serenata a 'na vicina
Ca lle piàce d' 'a sentì 'a luntano…

Mm'arraccumanno! 'A musichetta è fina…
'O core zitto zitto e chiano chiano.

'O core addà dì: – Bella!
Cchiù bella 'e tant' ate!
Scusate…
E cumpatite
Chesta serenatella…
E tu, luna serena,
Luna janca e gentile,
Tu falla 'ntenerì!…
Stammo 'int' Abbrile!

Abbrile addora – e vuje site addurosa:
D' 'e ruselle nuvelle Abbrile è 'o mese,
E 'a vocca è 'na rusella 'nfosa…
E 'o core vuosto è tiennero e mullese…

Marzo v'ha dipingiuta cuntignosa:
E Abbrile v'ha dda voce e curtese!

'O core addà dì: – Bella!
Cchiù bella 'e tant' ate!
Scusate…
E cumpatite
Chesta serenatella…
E tu, luna serena,
Luna janca e gentile,
Tu falla 'ntenerì!…
Stammo 'int' Abbrile!