Chi sì tu ca m'addimmanne
Si nce faccio ancora ammore?
Chi sì tu? Che vuò a 'stu core,
Ch' a nisciuna sape cchiù?
Io nun canto cchiù ccanzone,
Io nun vaco a 'nu triato…
Gioje e ppene d' 'o passato
Cchiù nun tornano pe' mme!

Me vò bbene?
Me vò mmale?
I' nun aggio a chi sentì…
Ma accussì,
Senza Maria,
Io nun saccio cchiù campà!

Che vuò cchiù? Guardame buono,
Che te dice chesta faccia?
Vò turnà dint' a 'sti braccia?
Ma è semp' essa o pure no?
Mamma mia pure m' 'o dice:
Nun può stà senza Maria…
E 'nu poco 'e pucundria
Sente, e chiagne appriesso a mme!

Me vò bbene?
Me vò mmale?
I' nun aggio a chi sentì…
Ma accussì,
Senza Maria,
Io nun pozzo cchiù campà!

Me vò bbene?
Me vò mmale?
I' nun aggio a chi sentì…
Ma accussì,
Senza Maria,
Io nun saccio cchiù campà!