Vienetenne c'addorano 'e sciure,
Sponta 'o sole adderet' 'a muntagna;
Vienetenne ca tutt' 'a campagna
È 'nu mare de rose pe' tte!

È 'nu mare de rose de maggio,
È 'nu mare d'amenta addurosa.
Vienetenne a 'stu lietto de sposa,
Vienetenne a durmì 'mbracci'a mme!

Ma 'sta bella primmavera
C' 'o gulio 'e tante ccose,
Senza sole e senza rose
Me vulette rummanè!

Primmavera, staggiona d'ammore,
Sulamente ll'ammore nce resta!
Primmavera, dincello ch'è chesta
La canzona, e fammella venì!

Io vasarle 'a vucchella vurria,
Ca de 'n'aceno d'uva è cchiù doce!
Vurria tanto sentì chella voce,
E po' doppo, nun 'mporta, murì!

Ma 'sta bella primmavera,
Ca speranno i' suspiravo,
Era suonno ca sunnavo,
Nun vulette maje venì!