Voglio venì luntano,
E nun me dì addò vaje,
Ma portame p' 'a mano
E nun me lassà maje!
'Ncopp' a 'na muntagnella
Nuje sule… tutt' 'e dduje.
Ma che nce vò? 'Na stella
Pe' nce fà luce a nuje!

Portame cu tte!
I' 'nzerro ll'uocchie e vengo addò vuò tu…
Ma nun voglio vedè,
Ma nun voglio sapè
Niente cchiù,
Niente cchiù!

Ca si t'avuote attuorno
Tutt' è 'nu tradimento:
'Na 'nfamità ogne ghiuorno,
'Na pena ogne mumento.
Portame addò 'nu velo
Se stenne 'ncopp' â ggente,
Addò campagna e cielo
Cantano eternamente!

Portame cu tte!
I' 'nzerro ll'uocchie e vengo addò vuò tu…
Ma nun voglio vedè,
Ma nun voglio sapè
Niente cchiù,
Niente cchiù!

Portame cu tte!
I' 'nzerro ll'uocchie e vengo addò vuò tu!