Tarantella,
Tarantella,
Tarantella capricciosa,
Vien' 'a ccà, faccella 'e rosa,
Nu' me fà cchiù spantecà!…
Tu sì fina e sì gentile,
Comm' â penna d' 'o pavone:
Canta l'aria 'na canzona,
Si te miett' a suspirà!…
Sott' e 'ncoppa,
'Mmiez' ê 'mponta,
Io cammino p' 'a Cità…
E, chist'uocchie che fanno pertose,
Ogne tanto, vulesse 'ncuntrà,
Pe' te dicere: Quanto sì bella!
Pazzarella,
Pazzarè!…

Tarantella,
Tarantella,
'Stu nasillo malandrino,
Cunfettiello cannellino,
Bella mia, se pò chiammà!…
Tu sì comm' 'e frutt' 'e mare,
Stuzzicà sann' 'appetito:
'Nu murzillo sapurito
Me putisse priparà!
Sott' e 'ncoppa,
'Mmiez' ê 'mponta,
Io cammino p' 'a Cità…
E, chist'uocchie che fanno pertose,
Ogne tanto, vulesse 'ncuntrà,
Pe' te dicere: Quanto sì bella!
Pazzarella,
Pazzarè!…

Tarantella,
Tarantella,
Miett' 'a mano addò dich' io.
Viene sient' 'o core mio
Che te sape cumbinà!…
Vocca bella ca me vase,
Cerasella rossa e doce,
Mentre pare ca me cuoce,
I' me sento refriscà!…
Sott' e 'ncoppa,
'Mmiez' ê 'mponta,
Io cammino p' 'a Cità…
E, chist'uocchie che fanno pertose,
Ogne tanto, vulesse 'ncuntrà,
Pe' te dicere: Quanto sì bella!
Pazzarella,
Pazzarè!…