Furastiè, vuò sapè
Si 'stu core 'mpignato s'è già;
Furastiè, che vvuò 'a mme?
'Stu segreto nun pozzo svelà.

Napule è sentimento e passione!
Se cantano 'e ccanzone
Core e core, musso e musso,
Mane e mane,
Cu 'e ffemmene belle, ma napulitane.

Furastiè, 'mpietto a mme
Te facesse 'nu poco appujà…
Pe' vedè, pe' sapè
Che risposta 'stu core te dà.

Napule è sentimento e passione!
Se cantano 'e ccanzone
Core e core, musso e musso,
Mane e mane,
Cu 'e ffemmene belle, ma napulitane.

Furastiè, primm' 'e te,
Si sapisse che tengo 'a cuntà!
Furastiè, ma pecché
Sto sentenno 'sti braccia 'e tremmà?

Napule… addò se cantano 'e ccanzone,
Se more 'e passione…
Core e core, musso e musso,
Mane e mane,
Cu 'e ffemmene belle, ma napulitane.