Chillo putesse stà
Dint' â meglia vetrina…
Chillo se pò chiammà:
"Cuollo tuosto e puzine!"
E io dico: – Comme va ca Mariannina,
Ca, 'e dint'a 'stu quartiere, era 'a riggina,
Cu tanta giuvinotte,
Tutt'uommene deritte,
S'è misa proprio cu 'stu guajo 'e notte?

Venitelo a vedè,
Mò passa 'o 'nfinfero,
C' 'o cuollo 'mpuzumato
E 'a capa a gliommero!
E se dà ll'aria 'e 'n'ommo ammartenato,
Ma nun è overo, io ll'aggio canusciuto!
È 'nu buonu guaglione!
Veramente ch'è buono!
Forse è tre vvote buono,
Troppo buono pe' chella llà!

Chella vò pazzià…
E vvabbè, s'è capito!
Tanto s'haddà spassà,
Quanno po' s'è spassata,
Io afferro 'o pupo e 'o faccio 'na 'mmasciata.
Lle dico: – Giuvinò, cagnate strata!
Vuliveve fà 'o gallo
Con quella pollanghella?
Vallà! Vattè, ca sì 'nu pappavallo!

Venitelo a vedè,
Mò passa 'o 'nfinfero,
C' 'o cuollo 'mpuzumato
E 'a capa a gliommero!
E se dà ll'aria 'e 'n'ommo ammartenato,
Ma nun è overo, io ll'aggio canusciuto!
È 'nu buonu guaglione!
Veramente ch'è buono!
Forse è tre vvote buono,
Troppo buono pe' chella llà!

Troppo buono,
Troppo buono,
Troppo buono pe' chella llà!