'O gran pascià

(1928)

music: Gaetano Lama,
lyrics: Beniamino Canetti.
Sergio Bruni
(1921 - 2003)


Io tengo 'na 'nnammurata p'ogne paese
E ognuna fa cose 'e pazze pe' me spusà.
Ma io faccio 'stu lassa e piglia 'na vota ô mese,
'Sta vita m' 'a passo allera, ch'aggi' 'a fà?

Senza curarme 'e te,
Cu mille femmene attuorno a mme,
Nun me ne 'mporta cchiù
Si cu cient' uommene parle tu.
Che fa? Che fa?
Sì bella e t'hê 'a spassà
E quann' 'o vvuò sapè
'E mmeglie femmene vonno a mme.

Ma chello ch'è bello overo nun t' 'hanno ditto?
'E llire mò tengo e songo 'nu gran pascià.
Da 'America 'nu parente sa' che m'ha scritto?
Ca lassa sultanto a mme ll'eredità.

Senza curarme 'e te,
Cu mille femmene attuorno a mme,
Nun me ne 'mporta cchiù
Si cu cient' uommene parle tu.
Che fa? Che fa?
Sì bella e t'hê 'a spassà
E quann' 'o vvuò sapè
'E mmeglie femmene vonno a mme.

'O mese che trase faccio migliare 'e feste,
Mme sposo 'a cchiù bella femmena 'e 'sta città.
Cu tutto ca lieve e miette cappielle e veste,
Tu rieste cu 'o desiderio 'e me spusà.

Senza curarme 'e te,
Cu mille femmene attuorno a mme,
Nun me ne 'mporta cchiù
Si cu cient' uommene parle tu.
Che fa? Che fa?
Sì bella e t'hê 'a spassà
E quann' 'o vvuò sapè
'E mmeglie femmene vonno a mme.