Nisciuna 'int' ô core,
Nisciuno cchiù amico
M' 'a faccio cu mmico,
Ca saccio chi sò!
E i' nn'aggio cacciato
D' 'a casa 'stu core…
'Na vota ch'ammore,
Mò, è muorto pe' mme!
Sulo
Io campo 'a vita mia!
Nun voglio 'a cumpagnia
Manco d' 'o sole!
Sto sulo e sò felice,
Felice senz' 'e te!
Io voglio bbene
Sulamente a mme!

Eppure, luntana
Chi sà si tu ride…
Felice, tu cride
Ca io sò senza te?
Ma 'st'uocchie e 'sta vocca
Scurdà nun te ponno!
M'addormo e te sonno…
Me sceto… e peggio è!
'Nfama,
Pe' tte aggio perzo ammore…
Pe' tte aggio perzo 'o core…
E 'a vita mia!
Nun tengo cchiù a nisciuno,
Nisciuno cchiù pe' mme!
Io voglio bbene
Sulamente a mme!