Muntevergine
(1898)
music: Vincenzo Valente,
lyrics: Pasquale Cinquegrana.
Pina Lamara
Antonio Basurto
Muntevergine!… Che festa!
'E mmaeste 'ncannaccate!…
'O llignammo!… Arretenate!
Quant' è bello a ghì a vvedè!…
Arrassateve ca passa
'O si-Tore d' 'e balanze…
Chest' è 'a penna d' 'e pparanze…
Che scicchezze, vide llà!…
– E canten' a ccà
– E sparen' a llà
– Che te fanno 'e cucchiere, tè tè!
– 'N'ata festa cchiù bella nun c'è!
– Overo ch' è bella!
Tra - tra
– Overo ch' è scicca!
Zza - zza
– Jamm' a festa, jammo, jà…
Zza, zza, zza, zza…
(Canto a figliola)
– 'O turrone d' 'a festa…
Tengo 'na 'nnammurata 'int' 'o Cavone…
E nun se fir' e stà cchiù sola sola
'A figliola!
Vih, che festa!… Vih, che crespo!
S'à 'ngignata 'a si Cuncetta…
Ten' a recchia 'na rusetta,
Ca va ciente doppie e cchiù.
Chi ce 'a fatto?… E che nne saccio…
È figliola… e zompa e vvola…
'O marito sta 'ncajola…
Essa sciala e ffa scialà.
– E canten' a ccà
– E sparen' a llà
– Che te fanno 'e cucchiere, tè tè!
– 'N'ata festa cchiù bella nun c'è!
– Overo ch' è bella!
Tra - tra
– Overo ch' è scicca!
Zza - zza
– Jamm' a festa, jammo, jà…
Zza, zza, zza, zza…
(Canto a figliola)
Ccà sta 'a muntagna fresca!
Nisciuno 'appass' 'a rocchia d' 'a Duchesca
'Nchioveno e 'o rivordo e c' 'a parola…
'A figliola!
'O ritorno, dinto Nola,
S'à da sentere 'o si-Tore…
'N'atu bello cantatore
Ce à da nascere… e over' è…
'E balanze vann' a coppa,
'O Pennino piglia 'e sferra…
E succede 'o serra-serra,
Dint' 'o mmeglio, 'mmiezu llà.
– E canten' a ccà
– E sparen' a llà
– Che te fanno 'e cucchiere, tè tè!
– 'N'ata festa cchiù bella nun c'è!
– Overo ch' è bella!
Tra - tra
– Overo ch' è scicca!
Zza - zza
– Jamm' a festa, jammo, jà…
Zza, zza, zza, zza…
(Canto a figliola)
– Teh, 'Nu sord' 'o giarrone…
Cagno 'na surbettera ogne paese…
'N'aggio cagnato 'n'ata pur' a Nola
'A figliola.