Tu!… Tu nun tiene vint'anne e sì Maria,
Sì 'o pprincipio 'e 'na rosa,
'N'alba 'e maggio, 'na spia
Dint'a 'na chiesa…
E pe' tte nun ce vonno rarità.

'Na tazzulella 'e mare,
'Nu fazzuletto 'e rena,
Addò ll'acqua che vene
Sposa ll'acqua che va.
'Na frangettella 'e nuvole,
'Na vranca 'e stelle chiare;
E io vicino a tte…
Core 'e 'stu core,
Io mme sperdo e mme trovo
Doce doce, senza freve,
'Mbracci'a tte!
'Mbracci'a tte!

Tu!… Tu nun tiene vint'anne, sì figliola,
Sì 'o pprincipio 'e 'nu suonno,
Sì 'a palomma ca vola
'Ncopp' ô ggiglio…
E pe' tte nun ce vonno rarità.

'Na tazzulella 'e mare,
'Nu fazzuletto 'e rena,
Addò ll'acqua che vene
Sposa ll'acqua che va.
'Na frangettella 'e nuvole,
'Na vranca 'e stelle chiare;
E io vicino a tte…
Core 'e 'stu core,
Io mme sperdo e mme trovo
Doce doce, senza freve,
'Mbracci'a tte!
'Mbracci'a tte!