Neapolitan Songs - Maria!

Maria!

(1896)

music: Alberto De Cristofaro,
lyrics: Giambattista De Curtis.
Instrumental version


'Na catena sto ammaglianno
'E penziere a ciento a ciento…
'Nu minuto pare 'n'anno
E a 'stu core è 'nu turmiento.

Ah, Maria!
Ah, Maria!
Chi fa 'ammore addà patì.
Penzanno ajeressera
A suspirà me vene;
E chi suspira spera;
Tuorne si me vuò bbene, tuorne!

Maria!
Maria!

Comm' ô rangio sto facenno
'Nu ricamo 'e sentimento
E c' 'o chianto 'o sto tessenno,
E suspiro ogne mumento.

Ah, Maria!
Ah, Maria!
Chi fa 'ammore addà patì.
Penzanno ajeressera
A suspirà me vene;
E chi suspira spera;
Tuorne si me vuò bbene, tuorne!

Maria!
Maria!

'Mmiez' ô 'ntreccio 'e chistu velo
'Na speranza è ricamata.
Niro niro è tutt' 'o cielo,
Ma 'na stella è già spuntata.

Ah, Maria!
Ah, Maria!
Chi fa 'ammore addà patì.
Penzanno ajeressera
A suspirà me vene;
E chi suspira spera;
Tuorne si me vuò bbene, tuorne!

Maria!
Maria!