'Nu suonno bello se sonna 'o mare
Senz' ombra 'e viento c' 'o pò scetà.
Ridono ll'onne lucente e chiare
Sott' a 'stu cielo ca fa 'ncantà.

Si m'ajuta stasera 'a furtuna,
L'argiento d' 'a luna
M' 'o godo cu tte.
Marenarella mia!
'Sta varca è 'na connola,
Viene cu mme!

Vurria tenerte 'ncopp' a 'stu pietto
Pe' 'n'ora sola, po' niente cchiù.
Nun trova 'o core pare e arricietto
E aspetta… e spera ca viene tu.

Si m'ajuta stasera 'a furtuna,
L'argiento d' 'a luna
M' 'o godo cu tte.
Marenarella mia!
'Sta varca è 'na connola,
Viene cu mme!

Pe' ll'aria tremma gentile e doce
'N'addore 'e rosa che fa stunà.
Sì ttu che viene… Già sento 'a voce;
'Nfra cielo e mare t'aggi' 'a vasà!

Si m'ajuta stasera 'a furtuna,
L'argiento d' 'a luna
M' 'o godo cu tte.
Marenarella mia!
'Sta varca è 'na connola,
Viene cu mme!

Marenarella mia!
Tu staje cu mme!