E m'hanno ditto ca tu mò te spuse,
Ca sì cuntenta e ca t'hê fatta 'a casa:
Che t'aggi' 'a dì? Succedono 'sti ccose…
Nun me fa meraviglia niente cchiù.

Ma senz' 'e te…
Ma senz' 'e te ched'è 'sta vita mia?
Chesto 'o destino vò…
Chesto ha voluto fà pe' mme e pe' tte…
Mò… che nce aspiette?
Manname 'e cunfiette
E scordatenne 'e me!

'A gente se fa 'e croce e nun ce crede
Mò c'hanno visto 'a fine 'e chist'ammore,
Chiagneno 'st'uocchie mieje lacreme amare
Ma ll'uocchie tuoje nun riderranno cchiù!

Ma senz' 'e te…
Ma senz' 'e te ched'è 'sta vita mia?
Chesto 'o destino vò…
Chesto ha voluto fà pe' mme e pe' tte…
Mò… che nce aspiette?
Manname 'e cunfiette
E scordatenne 'e me!

Quanno 'st'ammore nuosto era 'nu suonno
Tu te sunnave un cuore e 'na capanna
Mò c'hê truvato a chisto ca te spenne
'O suonno antico nun t'abbasta cchiù!

Ma senz' 'e te…
Ma senz' 'e te ched'è 'sta vita mia?
Chesto 'o destino vò…
Chesto ha voluto fà pe' mme e pe' tte…
Mò… che nce aspiette?
Manname 'e cunfiette
E scordatenne 'e me!