Vurria durmì, ma nun me vene 'o suonno
E chesto faccio tutt' 'e notte 'a 'n'anno,
Malincunia, malincunia d'autunno
Ca lentamente dint' ô core scinne:
Dincello tu pe' mme ca sto suffrenno.
Te voglio bbene,
Te voglio bbene e tu cchiù m'alluntane.
Te voglio bbene
Ppecché cchiù bella 'e te nun c'è nisciuna.
M'hê 'ncatenato cu 'sta passione.
Famme murì e campà
Cu tte vicina.

Tutt' ê vuluto e tutto t'aggio dato
E doppo tanto pure m'hê traduto.
Ma si ritorno a tte, l'urdema vota,
Dimme ca d' 'o passato sì pentita.
D' 'e vase tuoje cucente tengo sete.
Te voglio bbene,
Te voglio bbene e tu cchiù m'alluntane.
Te voglio bbene
Ppecché cchiù bella 'e te nun c'è nisciuna.
M'hê 'ncatenato cu 'sta passione.
Famme murì e campà
Cu tte vicina.
Te voglio bbene,
Te voglio bbene e tu cchiù m'alluntane.
Te voglio bbene
Ppecché cchiù bella 'e te nun c'è nisciuna.
M'hê 'ncatenato cu 'sta passione.
Famme murì e campà
Sempe cu tte!