Neapolitan Songs - Io me n'addono

Io me n'addono

(1907)

music: Ernesto De Curtis,
lyrics: Eduardo Nicolardi.
Instrumental version


Me lasse! Io me n'addono
Ca tu me vaje lassanno chianu chiano…
Tu m'abbandune,
Tu ca me staje vicino
Mentre 'e penziere tuoje stanno luntano!
Fredda è 'sta mana…
Me vase e pienze a 'n'ato ca vuò bbene!
Dio t' 'o pperdona,
Si astrinto a tte me tiene
E m'alluntane!
Pecché me vuò lassà?
Io moro senza 'e te…
Io moro senza 'e te…

Me parle… Ma i' nun sento
Parole doce 'e frennesia d'amante.
E me turmento,
E m'annasconno 'o chianto,
Penzanno ca te perdo, ogne mumento.
Fredda è 'sta mana…
Me vase e pienze a 'n'ato ca vuò bbene!
Dio t' 'o pperdona,
Si astrinto a tte me tiene
E m'alluntane!
Pecché me vuò lassà?
Io moro senza 'e te…
Io moro senza 'e te…